Paćavne sikamnen

image_pdfimage_print
E Uči škola pale strukovno vinajipe  Mihailo Palov  ando Vršco majanglal  lija akreditacija ande 2007.berš
Ande gadava berš dino si lake vi šaipe te kerel buki thaj te putarel o programo: strukovno vinaj.
 
Ađes šaj te sićon pe jekh fundosko programo – o programo Vinaj pale čhavorra save teljarena ande angleškola si nevo thaj akreditujime 2016 berš. O programo si kerdo ande TEMPUS Teach Harmonizacija nastavnih planova i programa za obrazovanje vaspitača u Srbiji.
 
O programo si kerdo khajda kaj si les 2 fundoske programurja save si kerde dži akana ande Škola (Strukovno vijan thaj Vinaj pale majcikne čhavorra), šaipe si te putaren tumeđe so majbut džanglipa ande tumaro sikavipe. Kova si si nevo ande kava programo si majanglal, kova so sikljona ande programurja save sas numaj kola neve ande predmeturja save musaj te sićion sar kaj si losarimaske, sar vi literatura thaj e kompetencije save lena e studenturja. Si but neve predmeturja ande save lena kompetencija sar kaj si e inkluzija, IKT kompetencija, e kompetencija pale dramsko pedagogija, komunikacija sar vi šaipe te sikljon anglikani čhib ande sa jekh semestro. Nevo programo si vi pale pedagogikani thaj metodikani praktika.
 
Ande nevo programo Vinaj pale čhavorra save teljarena ande angleškola  si 4 kotora save si kerde khajda ande losarimaske predmeturja andar save studenturja šaj te len nav:
1. Strukovno vinaj-fundosko kotor
2. Strukovno vinaj saves si zurale kompetencije pale buki e majcikne čhavorrenca
3. Strukovno vinaj saves si zurale kompetencije pale buki socijalno deprivirime čhavorrenca
4. Strukovno vinaj saves si zurale kompetencije pale buki čhavorrenca pe anglikani čhib.
 
Paše fundosko programo pe Uči škola si vi jek progamo pe specijalistikano niveli – Strukovno vinaj-specijalisto pale angleškolako programo pale savo e Škola lija nevi  akreditacija ande 2014. Berš sar vi buljaripe pale neve 50 studenturja save kamle te ramon kavaprogramo.
 
Sikavipe ande Uči škola džal pe trin čhiba dasikani, rumunsko thaj romani (katar 2009/2010. berš)
 
Fundosko sikavipe pe Uči škola palo strukovno sikavipe agorilpe pale trin berš, thaj pe lende šaj te sikamne sićon te ćeren bući korkoro pe majanglune sićimaske kotora ande sikamne.  Pe kaja sikamni  teljardape katar o gndo kaj musaj te ćerelpe majbut pe fundoske džanglimata godolastar kaj si importantno pale korkorutno thaj socijalno anglunipe. Kompetencija thaj socijalno kompetencija si anglune palo buljaripe trajosko ando  21. veko.
 
Jekhutno sićimasko evropako than šaj te avela sar dićhen e terne palo anglunipe kana si ande pučipe te pire gndurja majanglal buljaren. Godolastar si o programo savo si angla tumende ćerdo khajda te del e sikamnenđe but lačhe sikavimata palo pedagoško kotor, thaj te del o ažutipe te e sikavne anen gođaver gndurja, thaj vi manušikano barvalipe sar si altruizmo, empatija thaj manušikano haćaripe. Sa godova importantno si godolastar kaj sikamnes  trubul te si tolerancija, te džanel te ašunel aver munušen, te džanel te haravel e pharimata, te džanel sa kova so ćerel trujal peste. Kale programosa,  kamas te sićos sa kova so ćeras, so si phanglo palo amaro bućaripe te anas nevimata ando amaro bućaripe a sa kava si phanglo pale godova te ćeras ketane bući ando pedagoško kotor.
 
Majanglal sas phanglo te ande kurikulumo majbut dićhelpe pe nauka. Procesurja katar o malavipe thaj džanglipe sar vi ketano bućaripe pe kurikulumo thaj aver; sar te majlačhe e sikavne ćeren bući ande sikavni. Kaja Uči škola kamel te del tumen majlačho sikavipe savo trubula tumen kana ćerena bući ande škola, thaj del tumen šaipe te sićon palo multikuturalno trajo thaj ćidipe.
 
Manuša save ćerde kava informatoro savo si angla tumende kamle te del tumen so majbut informacija te so majloće sikaven pe Vuči škola. Gndisaras kaj kava Informatoro ažutila tumenđe te so majloće thaj pe vrjama ćeren sa kova so si phanglo palo tumaro sićope…
 
Godolastar ande leste si čhutine e pučimata sar si: So si ando lil, lilaripe, egzameske pučimata, sar te den o egzamo, kotora pale gatisarimaske  pučimata, e komisije thaj aver; kote si vi informacije palo sajto, e-mailo, thaj aver. Gndnisaras kaj sa kava avela tumenđe ažutipe te ćeren majlačhe jekte pasurja save si opaš džikaj agoripe.
 
Kamas tumeđe sa majlačhe ando sikavipe